قصيده منقوله مغناه بصوت الفنان خالد عبدالرحمن

بسم الله الرحمن الرحيم

انا ابو عمر المشاقبه

بدايه الله يمسيكم بطاعات الله الجميع

اتمنى ان اكون اخ للجميع

كما واتمنى ان اكون ضيف خفيف الضل في هذا المنتدى

حبيت اليوم اقدملكم قصيده اعجبتني وهي منقوله مغناه للفنان خالد عبدالرحمن

اتمنى ان تنال اعجابكم

==========================================================================

نويت مرباع الغضي سيد الاحباب
قصدي يزول الجرح زاد التهابه
جيت وبقايا نارهم حول الاطباب
وبيت الشعر مطوي وباقي زهابه
اقفت ركايبهم ومني الهدب داب
من دمع يسال وانذهل بالاجابة
على غزير الدمع ضميت الاهداب
صبيت لين الدمع يقفي سحابه
بعض الوجع يمكن تداويه الاعشاب
وبعض الوجع يا ويل منهو سطا به

عشق بدوي لا حب ما هوب بكذاب
يوفي ولو جرحه تجدد صوابه

واليوم وصلت بيننا مثل الاجناب
ذاك الغلا يا ضيعته يا سفا به
باكر الا جينا لهم مثل الاغراب
من عقب ما كنا الاهل والقرابه
الامر لله وكل شي له اسباب
ولا الهوى وش لي على هج بابه
وشلون قلبي ما يجي منه منصاب
على الرجم منقوش بعض الكتابه
حتى اثر مشيه مع سهول وهضاب
مر يبين ومر ما يندرابه
قلبي من الفرقا صويب ومرتاب
كنه غدا نصفين من هول ما به
حزني عليه انه تسبب و لا طاب
نظرة طبيبه عجلت في ذهابه
ريح الخزامى والنفل زين الاطياب
ويشدني ريح السمر في ثيابه
لاقبل نسيم الليل له خيل وركاب
وله في طلوع الشمس عز و مهابه

وسلامكم..

انا بصراح اعجبني بيت فيها ويقول
(عشق بدوي لاحب ماهو بكذاب يوفي ولو جرحه تجدد صواب)

تحياتي لكم اخوكم ابو عمر المشاقبه ملقب ب عشق بدوي

الله يمسيك بالخير اخي عمر
وربي يسعد كل ايامك ولياليك
واهلا وسهلا فيك اخ وصديق
في عائلتنا الصغيرة
التي ستكبر بنا ان شاء الله
ويشرفنا تواجدك بيننا اخي

اخي عشق بدوي
اعجبتني قصيدتك المنقولة جدا
فهي قصيده جميلة ولها معنى طيب
وكلماتها تخرج من القلب إلى القلب
والقائل متمكن والقصيدة جزله
صح لسان من قالها وسلم بنان من نقلها

أخي عمر جزيل الشكر لك
فلقد أقتنصت قصيدة أطربت مشاعرنا
لا عدمنا ذوقك الرائع
مشكور على النقل واتحافنا بها
تحياتي لروعة ما سطرت لنا

» دخون عبدالرحمن بن مساعد